БИШКЕК, 13-июл. — Sputnik. Бүгүн, 13-июлда, Нарын облусунун Ат-Башы районуна караштуу Босого жайлоосунда "Кыргыз көчү-2024", ошондой эле"Кыргыз даамы-2024" туристтик жана этно фестивалдары өтүүдө. Бул тууралуу Sputnik Кыргызстандын аймактык кабарчысы билдирди.
Иш-чарага келген конокторго кыргыз көчүнүн маанисин жана кыргыз даамдарын даңазалаган театралдаштырылган оюн-зооктор тартууланып жатат. Ошондой эле улуттук буюмдардын көргөзмөсү, спорттук оюндар жана концерт болот.
Саамалык улуттук маданиятты жана салттарды сактоо жана даңазалоо максатында Ат-Башы райондук мамлекеттик администрациясы, Теңир-Тоо туризм ассоциациясы тарабынан уюштурулду.