БИШКЕК, 4-июл. — Sputnik. Шанхай кызматташтык уюмунун (ШКУ) 2025-2027-жылдарга төрагасы болуп Казакстандын өкүлү Нурлан Ермекбаев дайындалды. Тиешелүү чечим Астанада өтүп жаткан ШКУ саммитинде кабыл алынганын Sputnik Казакстан жазды.
Ермекбаев 2022-жылдан бери төрагалыкты аркалап келе жаткан Чжан Минди алмаштырмакчы. Азыр анын орун басары болуп иштеп келет.
Sputnik Казакстан агенттигинин маалыматы боюнча, Нурлан Ермекбаев 61 жашта, эне тилинен тышкары орус, англис жана кытай тилдеринде сүйлөйт. Ар жылдары Казакстандын Кытайдагы элчилигинде кеңешчи, тышкы иштер министринин орун басары, президенттин эл аралык маселелер боюнча жардамчысы болуп иштеген. Мындан ташкары, Коопсуздук кеңешинин катчысы, коргоо министри кызматтарын аркалаган.