БИШКЕК, 10-май — Sputnik. Ысык-Ата районунда майнинг-ферманын мыйзамсыз ишмердүүлүгүнө бөгөт коюлганын УКМК билдирди.
Аталган факт боюнча Кылмыш-жаза кодексинин "Кызматтык абалынан кыянаттык менен пайдалануу" беренеси боюнча иш козголгон.
"Майнинг үчүн колдонулган 700дөн ашык техника алынды. Ээлери расмий каттоодон өтпөстөн, милдеттүү сертификатты албастан, тийиштүү төлөмдөрдү жүргүзбөстөн иш баштаган. Чарбага электр жарыгы жеке менчик чакан ГЭС тарабынан берилген", — деп айтылат маалыматта.
Кичи ГЭСте өндүрүлгөн электр энергиясы калкка багытталмай болду.