БИШКЕК, 12-мар. — Sputnik. Украинанын диверсанттары Россиянын Курск облусунун аймагына кирүүгө аракет кылышкан. Бул тууралуу РИА Новости аталган облустун губернатору Роман Старовойтко таянып кабарлады.
"Атышуу Глушков районундагы Теткино калктуу конушунда эртең менен эле башталган. Диверсанттар кирүүгө аракет кылып, аларды токтотуу үчүн атышуу болду", — деди Старовойт.
Глушков району — Курск облусунун чек арада жайгашкан алты районунун бири. Аталган конуш Украина тараптын ок атууларына көбүрөөк дуушар болот.
Өткөн түнү украин аскерлери Россиянын объектилерине массалык чабуул жасоого аракеттенген. Бирок Коргоо министрлиги абадан коргонуу системалары Украинанын учак түрүндөгү 25 дронун жок кылганын билдирди. Нижний Новгород облусунун губернатору Глеб Никитиндин айтымында, дрон чабуулунан Кстово өнөр жай аймагында мунай иштеткен жай күйүп кеткен.
Ошондой эле Белгород облусунун үстүнөн RM-70 Vampire MLRS үлгүсүндөгү сегиз ракета жана бир "Точка-У" үлгүсүндөгү бир тактикалык ракета атып түшүрүлгөнү кошумчаланды.