Мурат Алиев 1948-жылы 10-декабрда Нарын шаарында жарык дүйнөгө келген. Мектепти аяктаган соң Марлес Туратбеков, Кадыржан Кыдыралиев, Нуртай Борбиевдин жардамчысы болуп иштеген. Кийин Москвадагы Бүткүл союздук кинематография институтунда билим алат. ЖОЖду 1979-жылы аяктап келип "Кыргызфильмде" кинооператор болуп, 80-90-жылдары ата мекендик режиссерлор менен иштешип бир нече толук метраждуу көркөм, ондогон кыска метраждуу даректүү тасма тарткан.
КР маданиятына эмгек сиңирген ишмер 2000-жылдардан тарта Россия, Азербайжан, Казакстанга чакыруу менен барып, ондон ашык мыкты көркөм кинокартиналарды камерага түшүргөн. Токтогул атындагы мамлекеттик сыйлыктын лауреаты акыркы жылдары кинорежиссер Садык Шер Нияздын "Курманжан датка", Артык Сүйүндүковдүн "Шамбала", Руслан Акундун "Көк бөрү", Ермек Турсуновдун "Жат" тасмасынын оператору болгон. Даңк орденинин ээси 2020-жылы 17-июлда узакка созулган оорудан улам 72 жашында көз жумган.
Тема боюнча: