БИШКЕК, 14-ноя. — Sputnik. Бишкектин Октябрь райондук акимчилиги жаңы төрөлгөн ымыркайды таштанды челектен таап алган чет элдик студенттерди сыйлады. Бул тууралуу мэриянын маалымат кызматы билдирди.
Алар көчөгө таштанды ыргытканы чыгып челектин ичинен баланы көрүп калышканын айткан. Андан соң ичинен ымыркайды алып чыгып, биринчи болуп Тез жардам менен милицияны чакырышкан.
Мухаммад Закрия Хан, Хамид Али Хан жана Шафкат Алиге Октябрь районунун акими ыраазычылык кат тапшырды.
2023-жылдын 8-ноябрында борбор калаадагы таштанды челектин ичинен кызыл эт ымыркай табылган. Бала №1 төрөт үйүнө тапшырылып, медициналык кароодон өткөрүлгөн. Кийин анын энеси табылып, кармалган. Наристеге дарыгерлер президент Садыр Жапаровдун ысымын ыйгарышкан.