42 жашында өлкө башына келген. Турдакун Усубалиевди эскерген сүрөт баян

Турдакун Усубалиев Кочкор районунун Кочкор кыштагында жөнөкөй дыйкандын үй-бүлөсүнөн чыгып, 1941-жылы Фрунзедеги Кыргыз мамлекеттик педагогика институтун аяктаган. Эмгек жолун Кочкордогу орто мектептен баштап, кийин партиянын Кочкор райкомунда, Кыргызстан Коммунисттик партиянын Борбордук комитетинин аппаратында иштеген. Согуш жылдары аны мамлекет фронтко жөнөтпөй койгондо Компартиянын Борбордук комитетинин алдындагы Жогорку партиялык мектептин угуучусу болуп, андан соң он жыл бою Москвада жооптуу кызматтарды аркалаган.

1961-жылы Кыргызстан Коммунисттик партиясынын Борбордук комитетинин биринчи катчысы болуп дайындалганга чейин "Советтик Кыргызстан" гезитинин жооптуу редактору, Кыргызстан коммунисттик партиясынын Борбордук комитетинин бөлүм башчысы, Фрунзе шаардык комитетинин биринчи катчысы болуп иштеген.

Усубалиев республиканы 1985-жылга чейин башкарып, 25 жыл өлкөнүн башында туруп Москвадагы Хрущёв, Брежнев, Черненко, Андропов, Горбачев менен иштешкен. Ал жылдары Кыргыз ССРинде көптөгөн завод-фабрика, ГЭС, аэропорттор ишке кирип, бир топ маданий жайлар иштей баштаган.

КР Баатыры пенсияга чыккандан кийин Жогорку Кеңешке эки жолу депутат болуп, 2015-жылы 6-сентябрда кайтыш болгон.

1 / 16

Кыргыз ССР Компартиясынын Борбордук комитетин чейрек кылым жетектеген Усубалиев

2 / 16

Турдакун Усубалиев элеттик кедей дыйкандын үй-бүлөсүнөн чыккан

3 / 16

Мамлекеттик ишмер Фрунзедеги Кыргыз мамлекеттик педагогика институтун бүтүргөн

4 / 16

1958-61-жылдары Фрунзе шаардык комитетинин биринчи катчысы болуп калааны башкарган

5 / 16

Мамлекеттик ишмер 42 жашында республика башчылыгына келген

6 / 16

Биринчи катчы Кубадан келип Кыргызстанда билим алган студенттер менен. Ал жылдары өлкөдө чет элдиктер көп окуган

7 / 16

Никита Хрущёвго кымыз берген Усубалиев. Фрунзе шаары, 1964-жыл

8 / 16

Ал республиканы башкарган жылдары экономикалык көрсөткүчтөр бир топ жогорулаган. Сүрөттө ал борбор калаадагы ишканалардын биринде

9 / 16

Косыгинди тосуп алган кыргыз жетекчилери. Азыркы "Манас" эл аралык аэропорту курулуп бүтүп, жаңы ишке кирген учур

10 / 16

Эл аралаган журт башчысы

11 / 16

КР Баатырынын жакындары мамлекеттик ишмер көп иштегендиктен үйдө чанда эс алганын айтышат. Сүрөттө Усубалиев небереси менен

12 / 16

Анын тушунда филармония, Тарых музейи, "Ала-Тоо" аянты, "Жеңиш" аянты, борбордогу жер өтмөктөрү курулган

13 / 16

Мамлекеттик ишмер "легендарлуу" парламенттин депутаты да болгон

14 / 16

Усубалиев Жогорку Кеңештин эки чакырылышынын депутаты болуп шайланган

15 / 16

Усубалиев байбичеси менен эки уул, бир кызды тарбиялап өстүргөн. Сүрөттө ал уулу, небереси жана чөбөрөлөрү менен

16 / 16

Мамлекеттик жана коомдук ишмер узакка созулган оорудан улам 96 жашында кайтыш болгон

Тема боюнча:

Геннадий Базаров 30 жашында тарткан. "Көчөдөгү" кызыктуу сүрөттөр

Кыргыздын карлыгач актрисасы... Бакен Кыдыкееванын сейрек сүрөттөрү

Болот Миңжылкыевдин музасы Рейна Чокоева 85 жашта. Балеринанын сүрөттөрү

Москвада 65 жыл мурун даңазаланган кыргыз маданияты. Декададагы сейрек сүрөттөр