БИШКЕК, 5-ноя. — Sputnik. Кайрат Иманалиев маданият, маалымат, спорт жана жаштар саясаты министринин биринчи орун басары кызматынан бошотулду. Бул тууралуу министрлер кабинетинин маалымат кызматы кабарлады.
Тиешелүү буйрукка минкаб төрагасы Акылбек Жапаров кол койду.
Иманалиев башка ишке өткөнүнө байланыштуу иштен кеткени айтылды. Бул кызматка ушул жылдын 9-мартында дайындалган болчу.
Тимурлан Ажымалиев
© Фото / пресс-служба кабинета министров КР / Эргеш Жусубалиев
Акылбек Жапаровдун дагы бир буйругу менен Иманалиевдин ордуна Тимурлан Ажымалиев маданият министринин биринчи орун басары болуп бекиди. Ажымалиев буга чейин президенттик администрацияда президенттин жана министрлер кабинетинин чечимдерин экспертизалоо бөлүмүнүн башкы эксперти болуп иштеген. 40 жашта.