БИШКЕК, 26-авг. — Sputnik. Кыргызстан, Казакстан жана Өзбекстандын энергетика министрлери Астанада жолугушту. Бул тууралуу өлкөнүн Энергетика министрлиги кабарлады.
Министрлер анда аймактагы суу-энергетика тармагындагы кызматташтыкты өнүктүрүүнү талкуулап жатышат.
Жолугушуунун алкагында коңшу өлкөлөр менен транс чек аралык гидроэнергетикалык долбоорлорду ишке ашыруу, тагыраагы, Камбар-Ата-1 ГЭСинин долбоору, суу жана энергетикалык ресурстар чөйрөсүндө байланыштарды бекемдөө, күз-кыш мезгилинде кызматташуу, электр энергиясын жана башка ресурстарды өз ара берүү маселелери козголору айтылат.