БИШКЕК, 23-июл. — Sputnik. Стрельнадагы Константиновский сарайында (РФтин Ленинград облусу) Россия менен Беларусь лидерлеринин сүйлөшүүсү башталды. Бул тууралуу РИА Новости жазды.
"Мен өзүмдүн айрым пландарымды өзгөрттүм, 1,5-2 күн өткөрсөк (сүйлөшүүлөрдү – ред.) болот", — деди Владимир Путин сүйлөшүүнү баштап жатып.
Өлкө башчылары Россия-Беларусь мамилелерин өнүктүрүү, стратегиялык өнөктөштүк жана Союздаш мамлекет катары интеграциялык өз ара кызматташуу маселелерин талкуулашат.
Путин менен Лукашенко соңку ирет 9-июнь күнү Сочиде жолугушкан. Саммит формалдуу эмес абалда россиялык президенттин Бочаров Ручей резиденциясында өткөн.