БИШКЕК, 29-мар. — Sputnik. Кыргызстандын бокс боюнча улуттук курама командасынын мүчөлөрү Белград шаарындагы (Сербия) эл аралык мелдешке катышат. Бул тууралуу Дене тарбия жана спорт департаментинен маалымдады.
Билдирүүгө ылайык, 60th Belgrade Winner деп аталган эл аралык турнир 28-мартта башталган. Ал 3-апрелге чейин уланат.
Курама команданын тизмеси:
Анваржан Ходжиев — 48 килограмм салмак ченинде;
Баяман Азизбек уулу — 57 килограмм салмак ченинде;
Аскат Култаев — 63,5 килограмм салмак ченинде;
Эркин Адылбек уулу — 86 килограмм салмак ченинде;
Бакыт Токтосун уулу — 92 килограмм салмак ченинде.
Департаменттен кошумчалагандай, бокс боюнча улуттук курама команданы улук машыктыруучу Акыйкат Абаев жетектейт.