Төлөмүш Океев 1935-жылы 11-сентябрда Ысык-Көл облусундагы Тоң районунун Төрт-Күл айылында жарык дүйнөгө келген. Мектепти борбор калаадагы №5 мектепте окуган. Андан соң Ленинграддагы Киноинженерлер институтунун электротехникалык факультетинде окуп үн режиссёру дипломун алып чыккан. Алгач үн режиссёру болуп иштеп, "Жылкылар" даректүү тасмасын тартып, дипломдук иши катары атактуу "Бакайдын жайыты" фильмин сунуштаган.
СССРдин эл артисти чыгармачыл жолунда көрүүчүлөрдүн сүймөнчүлүгүнө ээ болгон "Ак илбирстин тукуму", "Көк серек", "Мурас " "Алтын күз", "Улан", "Кызыл алма", "Уркуя" кинокартиналарын жараткан.
Токтогул атындагы мамлекеттик сыйлыктын лауреаты 1990-1994-жылдары легендарлуу парламенттин депутаты болуп шайланып, 1993-1998-жылдары Кыргызстандын Түркиядагы элчиси кызматын аркалаган. Киночу 2001-жылдын 18-декабрында 66 жашында Анкарада кайтыш болуп, сөөгү Бишкектеги "Ала-Арча" көрүстөнүнө коюлган.
1 / 20
Төлөмүш Океев 1935-жылы 11-сентябрда Ысык-Көл облусундагы Тоң районунун Төрт-Күл айылында төрөлүп, балалыгы согуштун оор жылдарына туш келген
© предоставлено Александром Федоровым
Тема боюнча: