БИШКЕК, 6-сен. — Sputnik. Чүй облусунун аймагына эки завод куруу боюнча инвестициялык макулдашууга кол коюлду. Бул туурасында Экономика министрлиги билдирди.
Келишимге министрлер кабинети менен "Терек-Таш" жана "Фирма "Зенит" консорциум компаниялары ортосунда кол коюлган.
Клинкер чыгаруучу завод Кемин районуна, ал эми цемент заводу Ысык-Ата районуна курулары айтылды. Өндүрүштүн кубаттуулугу жылына 1,5 миллион тонна цемент чыгарууга ылайыкталган.
Эки заводду ишке киргизүү үчүн салына турган инвестициялык сумма 150 миллион долларды түзөт.