Ак кар, көк муз баскан Ала-Тоодогу чет элдик альпинисттер. Архивдик ирмемдер

Кыргызстанга алгачкы альпинисттер өткөн кылымдын 20-жылдары окумуштуулар менен келип, альпинизмге жол салган. Андан кийин аскерий топографтар Тянь-Шань тоо кыркаларын кыдырган. Аларга ошол кездеги СССР менен Кытайдын чек арасындагы Кан-Теңир чокусу кызык болгон. Советтик топографтар үч жыл машыгып даярданып, 1931-жылы 11-сентябрда аны багындырган. Ал кезде советтик илим-изилдөө борборлорунун кызматкерлери Кыргыз ССРине каттап турушкан. Согуш жылдарынан кийин альпинисттердин саны арбып, алар республиканын аймагындагы Ленин, Коммунизм, Чапаев, Жигит, Жуков, Дружба, Победа чокуларына жеткен.

Андан сырткары, спортчулар үчүн Ала-Арча, Каракол, Ысык-Атада альпинисттердин лагери, мектептери ачылып, советтик жана чет элдик жарандар ири эл аралык экспедицияларга даярданган.

1 / 15

Кыргызстан тоолоруна чыккан италиялык альпинисттер. Ош облусу, 1981-жыл.

2 / 15

Советтик жана канадалык альпинисттердин машыгуу учуру. Ысык-Көл облусу, 1989-жыл.

3 / 15

Эл аралык "Памир-74" альплагеринин катышуучулары Ленин мөңгүсүндө. Ош облусу, 1974-жыл.

4 / 15

Ала-Арчадагы альпинисттердин лагери. Чүй облусу, 1969-жыл.

5 / 15

Ак кар, көк музда чокуга чыккан спортчулар. Ош облусу, 1978-жыл.

6 / 15

Тик учак альпинисттерди Коммунизм чокусунун жанына жеткирүүдө. Ош облусу, 1976-жыл.