БИШКЕК, 22-июн. — Sputnik. Афганистандагы катуу жер титирөөдөн каза болгондордун жана жабыркагандардын арасында Кыргызстандын жарандары жок. Бул тууралуу элчилик кабарлаганын Тышкы иштер министрлиги билдирди.
"Афганистандын табигый кырсыктарды башкаруу министрлигинин маалыматы боюнча, окуянын кесепетинен 1000дей адам каза болуп, 600дөн ашууну жаракат алган", — деп айтылат маалыматта.
Бүгүн, 22-июнда, Афганистанда магнитудасы 6,1ге жеткен жер титирөө болду. Анын очогу 96 миңден ашык адам жашаган Хост шаарынан 44 чакырым алыстыкта жайгашкан. Ал эми тереңдиктеги очогу 51 чакырымга жетет.