БИШКЕК, 16-май. — Sputnik. Бишкекте курулуп жаткан имараттын дубалы көп кабаттуу турак жайдын короосуна урап түштү. Бул туурасында күбө билдирди.
Окуя кечээ, 15-майда, Исанов көчөсүндө болгон. Күбөлөр ал убакта короодо балдар ойноп жатканын айтууда, бактыга жараша, эч ким жаракат алган жок.
Биринчи май райондук милициясынын маалымат кызматы факт катталып, текшерүү башталганын билдирди. Чоо-жайы тууралуу кийинчерээк маалымат берүүнү убадалады.
Ал эми мэрия ал жерде эч кандай курулуш жок экенин, эски үй түрттүрүлүп жатканын айтууда.