БИШКЕК, 25-фев. — Sputnik. Россиянын президенти Владимир Путин Коопсуздук кеңешинин чукул жыйынын өткөрүп жатат. Бул туурасында РИА Новости кабарлады.
Анда кеңештин мүчөлөрү менен Украинада жүргүзүлүп жаткан атайын операциянын жүрүшүн талкуулап жатканы айтылды.
Путиндин билдирүүлөрүнүн негизги учурлары:
Россиянын аскерлери өзүнүн мекенин жана элин коргоо тапшырмаларын ийгиликтүү аткарып жатат;
Негизги согуштук кагылышуу украиналык улутчулдар отряды менен жүрүүдө;
Украин улутчулдарынын куралданган отряды Киев жана Харьковго залп атуучу системаларын коюп террорчулардыкындай кадамдарга барууда;
Россия “каракчы баңгилер менен неонацисттерден” эч кандай келишимдерди күтпөйт;
Батыш Украинага курал ташууну токтотушу керек.
Ал эми украин аскерлерине төмөнкүдөй кайрылуу жасады:
“Украинанын Куралдуу күчтөрүнүн аскерлерине дагы бир ирет кайрылам. Неонацисттер менен бандераларга балдарыңарды, аялдарыңарды жана карыларды тирүү калкан кылып колдонушуна жол бербегиле. Бийликти өз колуңарга алгыла, бизге тиги “каракчы баңгилер менен неонацисттерге” караганда силер менен мунасага келүү жеңил болот окшойт”.