Акцияны коомдук фонд жана уюмдар уюштуруп, Улуттук филармониянын имаратынын алдынан Өкмөт үйүнө чейин басып келишти. Жүрүшкө 50дөн ашуун адам катышты.
Өкмөт үйүнүн алдында автокырсыктан өмүрү кыйылган балдарга арналып, кепкалардан 78 саны жазылган инсталляция пайда болду. Уюштуруучулар балдар бул баш кийимдерди кие албай кетишти деген идеяны бергиси келген. Ошондой эле алар чоңдордун жоопкерсиздиги, шалаакылыгы жана акмактыгынын айынан жаш өмүрлөр соолуганын белгилешти.
Акциянын катышуучулары автоунаадан ажал тапкандарды бир мүнөт унчукпай туруу менен эскерип, инсталляцияга гүл коюшту.