БИШКЕК, 3-окт. — Sputnik. Кыргызстандык Антонина Шевченко UFC уюмунун алкагында кезектеги беттешин өткөрөт. Бүгүн ал таразага түшүү жана көз караштар таймашына келди.
Шевченко Бишкек убактысы менен 3-октябрдын таңында Лас-Вегаста UFC Vegas 38 мелдешинде мушташат.
Май айында Хьюстондо өткөн UFC 262 турниринде Антонина Шевченко америкалык Андреа Ли менен беттешип, утулуп калган. Кыргызстандык кыз үчүн бул ММА спортундагы үчүнчү жеңилиши болду. Ал жалпысынан сегиз беттеште уткан.
Антонина UFC чемпиону Валентина Шевченконун бир тууган эжеси.