БИШКЕК, 22-сен. — Sputnik. Бишкекте "Маяк" аталышындагы рейд жүргүзүлүп, жыйынтыгында жети айдоочуга ири көлөмдөгү айып салынды. Бул тууралуу Милициянын кайгуул кызмат башкармалыгынан кабарлашты.
Инспекторлор айдоочулар тез жардам унаасына жол бошотор-бошотпосун текшеришкен. Бейтапты убагында ооруканага жеткирүү эки эселеп маанилүү болуп турган пандемия учурунда бул өтө маанилүү экени айтылды.
Рейд бүгүн саат 10:00дөн 12:00гө чейин өткөрүлүп, айып пулдун көлөмү жалпысынан 70 миң сомго бааланган жети протокол түзүлдү. Ар бир айдоочу 10 миң сомдон төлөмөй болду.
Бешинчи категориядагы бул айыптар Эреже бузуулар кодексинин 4-беренесине ылайык салынды.