Кыргыздар жаңы төрөлгөн ымыркайды жети күндөн кийин бешикке бөлөгөн. Баланы тарбиялоодо эне бешик ырларын ырдап, ал аркылуу өзүнүн каалоо-тилегин наристеге айтып, өзү да жеӊилдеп, ичиндегисин чыгарып алган. Бара-бара ал ыр саптар элдик фольклорго айланган.
Айчүрөк Иманалиева
Кыргыз Республикасынын эл артисти, ырчы
Бешик ыры (элдик ыр)
Алдей, алдей ак балам,
Арка жөлөөр жан балам.
Кунан койдун куйругу,
Бышты жегин жан балам.
Арка жөлөөр жан балам.
Кунан койдун куйругу,
Бышты жегин жан балам.
Атаң барса айылга,
Куржун толо эт келет.
Энең барса айылга,
Эмчек толо сүт келет.
Куржун толо эт келет.
Энең барса айылга,
Эмчек толо сүт келет.
Кунан койду сой балам,
Куйругуна той балам.
Алдей, алдей ак балам,
Тердик токуур жан балам.
Куйругуна той балам.
Алдей, алдей ак балам,
Тердик токуур жан балам.
Сал, сал, сал билек
Сары майга мал билек.
Коён кошту кош билек,
Кошкон майга мал билек.
Сары майга мал билек.
Коён кошту кош билек,
Кошкон майга мал билек.
Алдей, алдей ак балам,
Ак бешикке жат балам.
Энекеңди кыйнабай,
Уктап калчы жан балам,
Уктай койчу ак балам.
Ак бешикке жат балам.
Энекеңди кыйнабай,
Уктап калчы жан балам,
Уктай койчу ак балам.
Гүлнур Сатылганова
Кыргыз Республикасынын эл артисти, ырчы
Бешик ыры (элдик ыр)
Асманда ай чар тарап,
Тегерете ай жар салат.
Тегерете ай жар салат.
Алдей, алдей бөпө жан
Сен да укта магдырап.
Сен да укта магдырап.
Алдей, алдей жаш бөпөм
Сен да укта магдырап.
Сен да укта магдырап.
Сен бөлөнгөн бешигиң,
Ырыскылуу кешигиң.
Ырыскылуу кешигиң.
Алдей, алдей жата кой,
Таттуу уйкуга бата кой.
Таңкы чолпон бата элек,
Таттуу уйкуң кана элек.
Таттуу уйкуга бата кой.
Таңкы чолпон бата элек,
Таттуу уйкуң кана элек.
Алдей, алдей жаш эрмек,
Уктатайын мен термеп.
Уктатайын мен термеп.
Гүлзада Рыскулова
Кыргыз Республикасынын эмгек сиңирген артисти
"Алдей, алдей", сөзү, обону: Гүлзада Рыскулова
Ай балкып жайнайт асманда,
Асылым уктап жатканда.
Аруулап шоола чачырайт,
Арбалып таттуу уйкуңа.
Асылым уктап жатканда.
Аруулап шоола чачырайт,
Арбалып таттуу уйкуңа.
Бешиктеги ай наристем,
Бек болсочу деп мен тилейм.
Элине эмгек өтөгөн,
Эр болсунчу деп мен тилейм.
Бек болсочу деп мен тилейм.
Элине эмгек өтөгөн,
Эр болсунчу деп мен тилейм.
Алдей, алдей, алдей,
алдей, алдей, алдей жан балам.
Талпынып калса данегим,
Жайнайт го менин карегим.
Ак сүтүм берип балкыдым,
Аман бир өссүн тирегим.
Жарыгым менин чырагым,
алдей, алдей, алдей жан балам.
Талпынып калса данегим,
Жайнайт го менин карегим.
Ак сүтүм берип балкыдым,
Аман бир өссүн тирегим.
Жарыгым менин чырагым,
Жайнабай кантип турамын.
Жараткан берген белегим,
Данегим менин, данегим.
Алдей, алдей, алдей,
алдей, алдей, алдей жан балам.
Жараткан берген белегим,
Данегим менин, данегим.
Алдей, алдей, алдей,
алдей, алдей, алдей жан балам.
Жийдеш
Бешик ыры (элдик ыр)
Уктай койчу бөбөгүм,
Ак бешикке бөлөйүн.
Уктаганча жөлөгүм,
Мээримимди төгөйүн.
Ак бешикке бөлөйүн.
Уктаганча жөлөгүм,
Мээримимди төгөйүн.
Алдей, алдей ак балам,
Ак бешикке жат балам.
Умай энеӊ кайтарсын,
Душманыңды майтарсын.
Ак бешикке жат балам.
Умай энеӊ кайтарсын,
Душманыңды майтарсын.
Түшкө кирип энекең
Мээрим менен таң атсын.
Алдей, алдей ак балам,
Ак бешикке жат балам.
Мээрим менен таң атсын.
Алдей, алдей ак балам,
Ак бешикке жат балам.
Каныкей
"Балама", сөзү: Эсенгул Ибраев, обону: Эсенбек Маданбеков
Көлөкөлөп көңүл ачарым,
Берекем деп жарпым жазарым.
Бал татыган балдыр тили бар,
Балам бактым, балам базарым.
Берекем деп жарпым жазарым.
Бал татыган балдыр тили бар,
Балам бактым, балам базарым.
Алдей ай, бөпөм ай,
Балам бактым, балам базарым.
Катылган сыр ойду ачарым,
Каткырыгың көңүл жазарым.
Картайганда арка-бел болор.
Балам бактым, балам базарым.
Катылган сыр ойду ачарым,
Каткырыгың көңүл жазарым.
Картайганда арка-бел болор.
Кагылайын орун басарым.
Алдей ай, бөпөм ай,
Кагылайын орун басарым.
Көңүл төтө кылган медерим,
Көзүмдөгү эки карегим.
Алдей ай, бөпөм ай,
Кагылайын орун басарым.
Көңүл төтө кылган медерим,
Көзүмдөгү эки карегим.
Канттан таттуу, гүлдөн жыты артык,
Кандан чыккан асыл данегим.
Алдей ай, бөпөм ай,
Кагылайын орун басарым.
Кандан чыккан асыл данегим.
Алдей ай, бөпөм ай,
Кагылайын орун басарым.
Бешиктин жабуулары, ага ымыркайды салуу жөрөлгөлөрү жана бешикке байланыштуу ырымдарды Sputnik Кыргызстан агенттиги даярдаган лонгридден окуңуздар.