БИШКЕК, 16-авг. — Sputnik. Тажикстандын Тышкы иштер министрлиги Афганистандын президенти Ашраф Гани учуп келбегени боюнча билдирүү таратты.
"Мухаммед Ашраф Гани мырза түшкөн учак Тажикстандын аба мейкиндигине кирбегенин жана өлкөнүн аймагына конбогонун билдиребиз", — деп айтылат маалыматта.
Ошондой эле Тажикстан афган тараптан мындай өтүнмө келип түшпөгөнүн кошумчалады.
Эске салсак, кечээ талибдер менен сүйлөшкөндөн кийин кызматтан кетүүгө макул болгон Афганистандын президенти Ашраф Гани Кабулдан Тажикстанга учуп кеткени, ошол жактан үчүнчү өлкөгө сапар алары айтылган болчу.
Россиянын Тышкы иштер министрлиги Гани өлкөдөн дипломатиялык өкүлдөрдү ташыган АКШ учагы менен чыгып кетиши мүмкүндүгүн божомолдогон.