БИШКЕК, 27-июл. — Sputnik. Ош — Араван каналына 15 жаштагы кызды куткарабыз деп түшкөн эже-сиңди каза тапты. Бул тууралуу ӨКМден кабарлашты.
Окуя 27-июль күнү Кара-Суу районунун Төлөйкөн айыл аймагында болгон.
“ӨКМге үч аялдын Ош — Араван каналына чөгүп кеткендиги тууралуу маалымат түшкөн. Жерине издөө иштерин жүргүзүү үчүн саат 13:15те төрт куткаруучу тартылган. Алар жеткенге чейин эки аялдын сөөгү сыртка чыгарылган”, — деп айтылат маалыматта.
Ал эми 15 жаштагы кызды куткаруучулар аман алып калышкан.