Архивдик кадрдан кичинекей Димаш үй-бүлөсүнүн коштоосунда ырдап, домбура черткилеп атканын көрүүгө болот. Бул ырчынын күйөрмандарынын жүрөгүн элжиретип, бир нече саатта эле видеону 45 миңге чукул адам көргөн.
Дүйнөнү багындырууга 16 жашында кадам таштаган. 2012-жылы Украинадагы "Чыгыш базары" конкурсун, ал эми 2013-жылы Кыргызстанда, тагыраагы, Ысык-Көлдө өткөн "Мейкин Азия" сынагын утуп алган. Димаштын атын Кытайда өткөн таланттардын сынагы дүйнөгө таанытты. Ошондон тарта атагы алыска кетип, дүйнө кезип жүрөт.