БИШКЕК, 17-май — Sputnik. Ош облусунун Өзгөн районунда автоунаа дарыяга кулап, эки адам каза болду. Бул тууралуу ӨКМдин маалымат кызматы билдирди.
Кырсык райондун Ана-Кызыл айылында болгон. Алдын ала маалыматтар боюнча, Toyota Ist маркасындагы унаанын айдоочусу рулду башкара албай дарыяга түшүп кеткен. Окуядан 56 жаштагы эки адам көз жумган.
Куткаруучулар кишилерди жана унааны суудан чыгарышкан.