БИШКЕК, 3-янв. — Sputnik. Өткөн суткада Кыргызстанда коронавирустан бир адам каза таап, 91 киши аталган инфекцияны жуктуруп алды. Бул тууралуу Республикалык штаб кабарлады.
Жуктургандар:
Айыккандар:
Бир сутка ичинде коронавирустан Бишкекте бир киши каза тапкан.
Ушуну менен оору илештиргендердин саны өлкөдө 81 305ке жетти. Анын ичинен 76 563 бейтап ооруну жеңсе, тилекке каршы, 1 359 адам коронавирустун курмандыгы болгон.
Учурда стационарда 980 бейтап дарыланууда. Анын ичинен 245 адамдын абалы оор болсо, 50 бейтаптыкы өтө оор деп бааланууда. 1 485 киши амбулатордук шартта дарыланып жатканы айтылды.
Кечээтен бери бир дагы медиктен коронавирус табылган жок. Буга чейин оору илештирип алган алты медицина кызматкери сакайып кетти.