БИШКЕК, 3-дек. — Sputnik. Ички иштер министри Улан Ниязбековдун атасы Омокон Ниязбеков каза тапты. Бул тууралуу мекеменин маалымат кызматы кабарлады.
ИИМ башчысы Улан Ниязбековдун атасы дүйнө салды
© Фото / пресс-служба МВД КР
"ИИМдин коллегиясынын жетекчилиги, мүчөлөрү, Ардагерлер кеңеши, Генералдар клубу, Ички иштер министрлигинин өздүк курамы министр Улан Ниязбековго атасы Омокан Ниязбековдун мезгилсиз дүйнөдөн кайткандыгына байланыштуу көңүл айтат. Жакын адамыңды жоготуу — оор сыноо. Аза кайгыңызды тең бөлүшөбүз", — деп айтылат маалыматта.
Омокан Ниязбеков кийинки жылы январда 69 жашка толмок.