БИШКЕК, 15-сен. — Sputnik. Роспотребнадзордун жетекчиси Анна Попова коронавирусту кайталап жуктурган адамдар Россияда дагы, дүйнөдө дагы саналуу экенин билдирди. Бул тууралуу РИА Новости жазды.
"Дүйнө жүзү боюнча илдетти кайталап жуктургандар жокко эсе. Болсо да буга алардын иммундук системасынын бузулушу себеп болгонун изилдөөлөр көрсөттү", — деди Попова.
Ал ошондой эле бет кап кийүү режимин ооругандар да, айыккандар да сакташы керектигин белгиледи.