Социалдык тармактардан кыргызстандык спортчулардын үйдүн ичинде жана короосунда таза абада машыгып жаткандарын көрүүгө болот.
Sputnik Кыргызстан агенттиги элге белгилүү спортчулар менен байланышып, үй шартындагы машыгууларынын видеосун бир кадрга топтоду. Кээси окурмандар үчүн эксклюзивдүү тасмаларды салды.
Айрым көнүгүүлөр жөнөкөй адамдарга ылайыкталгандыктан, карап көрүп жасоого болот. Кээ бир атлеттердин профессионалдык ыкмалары мастер-класс болуп бермекчи.
Белгилей кетсек, өлкөдөгү эпидемиологиялык кырдаалдан улам Бишкек, Ош, Жалал-Абад жана Нарын шаарларына, Ноокат, Кара-Суу, Сузак жана Ат-Башы райондоруна апрелдин аягына чейин өзгөчө абал киргизилген. Калган жерлерде өзгөчө кырдаал режими иштеп жатат. Бул режимдердин эрежеси боюнча массалык иш-чаралар, анын ичинде спорттук турнирлер токтотулуп, коопсуздук үчүн залдар дагы карантинге жабылган.