БИШКЕК, 12-апр. — Sputnik. Кыргызстанда дагы 38 кишиден коронавирус аныкталганын саламаттык сактоо министринин орун басары Мадамин Каратаев брифинг учурунда билдирди.
"Алардын ичинен Бишкек шаарында – 5, Чүй облусунда – 3, Ош облусунда – 3, Ош шаарында – 12, Ысык-Көлдө – 2, Нарын облусунда – 13 киши болду", - деди Каратаев.
Ушуну менен вирус аныкталган адамдардын жалпы саны 377 болду.
Эскерте кетсек, коронавирустан улам өлкөдө өзгөчө кырдаал жарыяланып, 25-марттан Бишкек, Ош, Жалал-Абад шаарларында, ошондой эле Кара-Суу, Ноокат жана Сузак райондорунда өзгөчө абал режими иштеп жатат. Бул тартип 15-апрелге чейин уланары белгиленген, бирок премьер-министр Мухаммедкалый Абылгазиев тесттердин бардыгынын анализи чыгып, алардын контакттары боюнча акыркы киши такталмайынча карантинди токтотууга болбостугун айтты.