БИШКЕК, 25-окт. — Sputnik. Интернетте Кыргызстанда болду делген массалык мушташтын видеосу тарап жатат.
"Короче" деп аталган Telegram-каналга окуянын эки башка ракурста тартылган видеосу жүктөлгөн.
Кадрдан адамдардын кыргызча сүйлөп жатканын угууга болот. Социалдык тармактын айрым колдонуучулары видео Ошто тартылган дешсе, кээ бирөөлөр Жалал-Абадда болгонун жазышууда.
Ош ИИББдин маалымат кызматы Sputnik агенттигинин кабарчысына мындай окуя тууралуу билдирүү түшпөгөнүн, бирок учурда маалыматты тактап жатышкандыгын кабарлады.