БИШКЕК, 5-окт. — Sputnik. Казакстан менен чектешкен аймакта 100дөй оор жүк ташуучу автоунаа топтолуп калганын Мамлекеттик чек ара кызматынан кабарлашты.
Унаалардын чогулуп калганы Чүй облусундагы "Актилек" көзөмөл-өткөрүү пунктунда байкалган.
Чек ара кызматынан белгилешкендей, казак тарап 4-5 оор жүк ташуучу унааны бир сааттан карап жатат. Буга аркы тараптагы текшерүү комплекси иштебей жатканы себеп. Жеңил унаалар жана жүргүнчүлөр эч кандай чектөөсү жок кирип-чыгып жатканы айтылды. Кыргыз тарап дагы ашыкча текшерүүсүз өткөрүп жатат. Алар унаалардан баңги зат, курал-жарак, ок-дары жана жарылуучу заттарды гана издөөдө.
Казакстан менен чектешкен аймактагы өткөрүү пункттарында кезек жок экендиги кошумчаланды.