БИШКЕК, 12-авг. — Sputnik. Сириядагы согуштук аракеттерге катышып, кийин Кыргызстанга качып келген жаран үч жылга эркинен ажыратылды. Бул тууралуу Жогорку соттун расмий сайтында жазылат.
Кийинчерээк Россияда Абу Аюб аттуу чет элдик жаран менен таанышкан. Ал Сириядан жакшы акча табууга болорун айтып ишендирген. Мындан улам жаран Россия аркылуу Стамбулга учуп барган. Ал жактан ортомчулар аркылуу автобустар менен Сирияга жетип, согуш жүрүп жаткан аймакта болгон.
Сотто айыпталуучу туура эмес иш жасаганын 5-6 айдан кийин түшүнгөнүн билдирген.
"Сирияда 5-6 ай жүрүп туура эмес иш кылганымды түшүндүм. Бир күнү өзүмдүн колумду мылтык менен атып Сириядан Түркияга качып кеттим. Түркия аркылуу кайра Россияга келип Хакасиядагы эжемдикинде төрт жылдай жашадым. 2019-жылы апрель айында Ошко учуп келгенимде мени УКМК кызматкерлери кармады. Сириядан өзүм качып келгендиктен мени актаңыздар", — деп көрсөтмө берген соттолуучу.
Фемида өкүлдөрү 28 жаштагы үч баланын атасын үч жылга эркинен ажыратты.