БИШКЕК, 3-авг. — Sputnik. 21 жаштагы Халим Аден хиджаб кийген алгачкы модель болгонун Sports Illustrated басылмасы жазды.
Халима коомдук жайларда хиджабын такыр чечпейт. Купальниктер боюнча белгилүү Sports Illustrated Swimsuit журналынын башкы бетине чыккан сүрөткө да буркини кийими менен түшкөн. Халима журналдын тарыхында денесин көрсөтүп сүрөткө түшпөгөн алгачкы модель болуп калды. Ал үчүн атайын бир нече купальник тигилген.
Модель кыз Кенияда төрөлүп, Сомалидеги качкындар лагеринде жети жыл жашаган. Андан кийин үй-бүлөсү АКШга эмигрант болуп келишкен.
Учурда Халима анын жашоосундагы эң бактылуу күндөрдү өткөрүп жатканын айтат. Себеби ал жакырчылыктан кутулуп, өз алдынча ийгиликтерди жаратууда.
Ал мусулман модель кыздарынын сүрөттөрүнүн журнал бетине чыгышы шариаттын талабы менен жашаган аялдарга жаңы жолду көрсөтүүдө жардам болот деп ишенет.
Халиманын эки жыл мурда жылдызы жана баштаган. 19 жашында "Миннесота сулуусу" конкурсуна катышкан. Бирок ал хиджабын чечпестен эле жарым финалга чейин жеткен. Андан кийин кызга көптөгөн модель агенттиктери көңүл бура баштаган.
Канье Уэст Халиманы Нью-Йорктогу мода жумалыгына чакырган.