Фестиваль Эмен багындагы Курманжан датканын эстелигинин жанында болуп жатат. Ал 25-июлда башталган, 28-июлга чейин уланмакчы. Быйыл уюштуруучулар жаш кол өнөрчүлөргө көбүрөөк көңүл буруп жаткандыгын белгилешкен. Ага жалпысынан 120 уз катышууда. 80и Бишкек шаарынын кол өнөрчүлөрү болсо, 40ы аймактардан келген чеберлер.
Фестиваль 29-июлдан 4-августка чейин Ысык-Көлдүн Чолпон-Ата шаарында уланат.
"Оймо" фестивалынын максаты — Кыргызстандагы кол өнөрчүлүктү өнүктүрүү, каада-салттардын муундан-муунга өтүүсүн жандандыруу, маданий мурастарды сактап калуу. Андан сырткары, Ысык-Көлдү маданий туризмдин эл аралык аймагына айландыруу.
Sputnik Кыргызстан эл аралык маалымат агенттиги жана радиосу фестивалдын бешинчи жолку медиа өнөктөшү болду.