БИШКЕК, 12-июл. — Sputnik. Казакстандын президенти Касым-Жомарт Токаев Кыргызстанга мамлекеттик иш сапары менен келет. Бул тууралуу казак премьери Аскар Мамин Бишкекте өкмөттөр аралык кеңештин жыйынында билдирди.
Мамин учурда Кыргызстанда расмий иш сапар менен жүрөт.
"Бүгүнкү жыйын Казакстандын президенти Касым-Жомарт Токаевдин күзүндө боло турчу мамлекеттик иш сапарынын алдында өтүп жатат", — деди Мамин.
Эске салсак, Сооронбай Жээнбеков 28-майда Казакстанга болгон иш сапарынын алкагында Токаевди расмий сапар менен келип кетүүгө чакырган.