БИШКЕК, 5-июн. — Sputnik. Каракол шаарынын жана Ысык-Көлдүн православ чиркөөсүнүн башчысы отец Сергей калаадагы мечитке айт намазын окуу үчүн чогулгандарды куттуктады. Бул тууралуу өкмөттүн Ысык-Көлдөгү өкүлчүлүгүнүн маалымат катчысы Жаныбек Кожоев билдирди.
Анын айтымында, отец Сергей Кыргызстандын православ чиркөөсүнүн атынан куттуктоо айткан.
Эске салсак, 5-июнда Кыргызстандын бардык аймагында айт намазы окулду. Бишкектеги айт намазга 50 миңден ашык киши келген.
Кыргызстанда быйыл Орозо 6-майда башталып, 4-июнда аяктады.