Кыргызстанда таркатылып жаткан сыралардын теңинен көбүн атамекендик өндүрүүчүлөр даярдайт. Бул тууралуу Абдралы Чынгышев Sputnik Кыргызстан радиосунун https://sputnik.kg/popup/radio/ "Ачык кеп" программасында маек куруп жатып билдирди.
Анын айтымында, барган сайын сыра ичкен кишилердин саны азаюуда.
"Жылдан-жылга сыра иччү адамдардын саны кыскарып жатат. Жаштардын көпчүлүгү мечитке барып, спорт менен алектенип, алкоголдук ичимдиктерди ичүүдөн баш тартууда. Албетте, бул жакшы көрүнүш. Ошондой эле 700-800 миңдей мигрант чет жерде жүрөт. Алардын басымдуу бөлүгү сыра иччү жаштарды түзгөндүктөн сыра өндүрүшүнө таасирин тийгизип жатат. Статистикага таянсак, соңку 7-8 жыл ичинде республикада сыраны керектөө 1 миллион декалитрге азайганы маалым болду", — деди Сыра өндүрүүчүлөр ассоциациясынын президенти.
Чынгышев өлкөдө сыра даярдоочулар арасында атаандаштык күч экенин кошумчалады.