Жалал-Абад шаарынын чет жакасындагы Тайгараев айылында Daewoo Matiz унаасы жүрүп бараткан мезгилде өрттөнүп кеткен. Бул тууралуу ӨКМдин Сузак райондук бөлүмүнүн өкүлү Айбек Иманов Sputnik Кыргызстан агенттигине билдирди.
Маалыматка ылайык, окуя 28-март күнү Жалал-Абад — Казарман жолунда саат 17:30дар чамасында болгон.
"Унаа жүрүп бараткан мезгилде электр зымдарынан учкун чыгып, ал тутанып кеткен. 21 жаштагы айдоочу унааны токтотуп, сыртка чыгууга ұлгүрүп, жабыркаган эмес. Бирок унаа менен кошо документтери күйүп кеткен", — деди Иманов.
Ал өрт толугу менен өчүрүлгөндөн кийин автоунаа эвакуаторго жүктөлүп кеткендигин кошумчалады.