Лондондо (Улуу Британия) Brexit боюнча кайрадан референдум өткөрүү талабы менен жөө жүрүшкө миллионго жакын адам чыкты.
Кыргызстанда Ноорузга карата өзгөчө майрамдык иш-чаралар уюштурулду.
Африканын түштүк-чыгыш жээгинде болгон "Идаи" циклонунун кесепеттерин жоюу иштери жүрүүдө. Циклон марттын орто ченинде Мозамбик, Зимбабве жана Малини кыйратып кеткен. Анын кесепетинен 446 адам каза болгон. Көз жумгандардын саны миңге чыгышы мүмкүндүгү болжолдонууда.
Кытайдагы Цзянсу провинциясындагы химзаводдо болгон жарылуудан кийин дайынсыз болуп жаткан адамдарды издөө уланууда. Кырсыктын кесепетинен каза болгондордун саны 64кө жетти. Дагы 28 киши дайынсыз.
Сайтамада (Япония) көркөм муз тебүү боюнча дүйнөлүк чемпионат аяктады. Россиялык фигурист Алина Загитова 237,5 упай топтоп алтын тагынды.
Индияда боектордун "Холи" фестивалы өттү.
Бишкекте Нооруз майрамына карата уюштурулган көк бөрү боюнча турнирдин жогорку лигасынын финалы болду.