БИШКЕК, 13-мар. — Sputnik. Футбол боюнча улуттук курама команда мартта мелдеш өткөрбөйт. Бул туурасында аталган федерациянын маалымат кызматынан кабарлашты.
19-27-март күндөрү бир катар мамлекеттерде жолдоштук оюндар болот. Ал эми Европада 2020-жылы боло турчу Европа чемпионатынын тандоо турнирлери өтмөкчү.
Федерациядан кабарлашкандай, ушул эле убакта 23 жашка чейинки жаштардын курама командасы Азия чемпионатынын тандоо мелдешине катышат, ошондой эле "Дордой" клубу Азия футбол конфедерациясынын Кубогуна даярданат.
"Мындан улам мартта боло турчу эки жолдоштук беттештен баш тартканыбыз оң деген чечимге келдик", — деп айтылат маалыматта.
Курама команда Азия кубогунан бери мелдеш өткөрө элек.