БИШКЕК, 23-ноя. — Sputnik. Бишкекте Жайыл районунун ички иштер бөлүмүндө бычакталган 19 жаштагы Бурулай Турдали кызынын портрети пайда болду.
Портрет Логвиненко көчөсүндө жайгашкан Бишкек медициналык колледжинин жатаканасынын дубалына тартылды. Эмгектин автору — Сергей Келлер менен DOXA Art-group чыгармачылык тобу.
Маалыматка караганда, портретти тартууга беш күн кеткен. Медициналык колледждин жетекчилиги уруксат берсе, "Аялдарды колдоо борбору" демилгелеген.
"Биздин оюбузча, бул кыздын трагедиялуу окуясын элдин баары билет… Эмгек коомчулуктун көңүлүн гендердик зомбулук көйгөйүнө буруу үчүн жасалды", — деди Келлер.
Окуядан кийин Чүй милициясынын жетекчиси жумуштан айдалып, укук коргоо органдарынын башка кызматкерлерине дисциплинардык чара көрүлгөн.