БИШКЕК, 16-ноя. — Sputnik. Эркиндик проспектиси менен Киев көчөсүнүн кесилишинде эки Honda CR-V кагышканын Sputnik Кыргызстан маалымат агенттигине айдоочулар өздөрү билдирди.
Биринин айтымында, ал Киев көчөсү менен чыгыш тарапка кетип бараткан, экинчи айдоочу Эркиндик менен бара жаткан. Эркиндик проспектисиндеги жол чырак жашылды көрсөтсө, Киев көчөсүндөгү жол чырак бир эле убакта кызыл жана жашыл болуп күйгөндүктөн унаалар кагыша кеткен. Кырсыктын айынан анча алыс эмес жерде токтоп турган Toyota 4Runner унаасы да жабыркаган.
Айдоочунун айтымында, окуядан жабыр тарткан адамдар жок.