БИШКЕК, 15-окт. — Sputnik. Бишкекте Toyota Camry унаасы эркек кишини коюп кетип жеринде мүрт кетти. Бул тууралуу күбө Sputnik Кыргызстан агенттигине кабарлады.
Анын айтымында, жол кырсыгы бүгүн, 15-октябрда саат 21.20 чамаларында Байтик Баатыр жана Камск көчөлөрүнүн кесилишинде болгон.
"Ал киши жолдун туура эмес жеринен өтүп баратканда коюп кетти. Айдоочу окуя болгон жерден кеткен эмес", — деди күбө.
Бишкек ШИИБдин Жол кыймылы коопсуздугун камсыздоо башкармалыгы кырсык катталганын тастыктады. Тийиштүү экспертизалар дайындалып, тергөө жүрүп жатат.