БИШКЕК, 29-авг. — Sputnik. Россиянын Томск шаарында жыл сайын өтүүчү "Балта майрамы" фестиваль-конкурсуна быйыл Кыргызстан биринчи жолу катышты. Баш-аягы 35 мемлекеттен барган 240 жыгач устанын арасында Ысык-Көл облусунун Ак-Суу районунан барган Урмат Советкелдиев да болуп, конкурста тогуз корголдун тактасын жасады.
"Мен буга чейин да эл аралык конкурстарга катышып келгем. Новосибирск шаарында өткөн Сибирь кар скульптуралар фестивалына катышып, 2017-жылы 3-орун, 2018-жылы 2-орунду алгам. Ошол жерден бул конкурс боюнча кокусунан эле билип калдым. Маалымат алган сүрөттү карасам, Кыргызстандын желеги жок экен. Ошондо бул иш-чарага катышууну пландагам", — деди ал.
Уюштуруучулар фестивалга катышуучулар жылдан жылга көбөйүп жатканын жана быйыл былтыркыга салыштырмалуу бир жарым эсе көп катышуучу келгенин билдиришти. Ал эми усталардын эмгегин көрүү үчүн 150 миңдей киши келген.