БИШКЕК, 2-июн. — Sputnik. Татыктуу адамды тарбиялаш үчүн ата-энелер өздөрү үлгүлүү болуусу керектигин 1-июнь балдарды коргоо күнүнө карата көп балалуу ата-энелерге Кремлде сыйлык тапшырып жатып, Россия президенти Владимир Путин билдирди. Бул тууралуу РИА Новости агенттиги жазды.
Путин ата-эне болуу адамга канчалык чоң ырахат тартууласа, дал ошондой эле түйшүк жаратып, жоопкерчиликти талап кыларын баса белгиледи.
"Ата-энелер күн сайын өздөрүн үлгү болгудай алып жүрүүсү керек. Ошондо гана ал келечек муунга жашы тарбия бере алат. Бала тарбиялоо күн же түн, тыныгуу дегенди билбейт. Бирок баласы татыктуу адам болуп чоңоюп, турмушта өз ордун тапса эмгеги эки эсе акталат", — деди президент.
"Албетте көп балалуу болгусу келген үй-бүлөнүн балдары келечекте кандай турмушта жашаары кызыктырат. Алардын ар бири балдарым татыктуу билимге, медициналык кызматтарга, жашоо шарттарына жете алабы деп тынчсызданат. Биз жарандарыбызга бардык жакшы шарттарды түзүп берүүнүн үстүндө иштеп жатабыз", — деди Путин.
Президент бул багытты алдыга жылдыруу үчүн экинчи же үчүнчү балалуу болгон ата-энелерге ипотекалык кредитти арзандатуу жана балдар бакчаларынын санын көбөйтүү иштери болуп жатканын кошумчалады.