Күбө бир нече милиция кызматкери таксисттин машинасы эч кимге жолтоо болбосо да ага кыйкырып, жулкулдатып, "№1 милиция бөлүмүнүн алдынан машинаңды ал" деп жатканын видеого тартып алган.
Кайым айтышуудан кийин милиционердин бири таксистти көтөргөн бойдон милиция бөлүмүн көздөй алып жөнөгөн. Күбө окуя саат 15:30 — 16:00дөр чамасында болуп, таксисттин машинасы 3-4 сааттай турган.
Бишкек ШИИБдин маалымат кызматы милиционер менен таксисттин жаңжалы тартылган видеону териштирип жатканын кабарлады. Ошондой эле окуяга юридикалык баа берилет.
Шаардык милициядан маалымдашкандай, милиционер менен таксисттин ортосундагы чатак таксист машинасын башка автоунаалар өтө турчу жерге коюп койгондон улам чыккан.