БИШКЕК, 8-май — Sputnik. Кыргызстандык мушкер Бусурманкул Абдубаит уулу M-1 уюмунун Challenge 92 турниринин алкагында беттеш өткөрөт. Бул тууралуу спорттук уюмдун ВКонтакте социалдык баракчасында жарыяланды.
ММА боюнча беттеш 24-майда Россиянын Санкт-Петербург шаарында өтөт. Анда Бусурманкул Абдубаит уулу германиялык Саба Болаги менен бет келет.
Эске сала кетсек, Абдубаит уулу М-1 Global спорттук уюму менен эки жылга келишим түзгөн. Бул спортчунун келишимден кийинки экинчи беттеши болмокчу.
Биринчи кармашында М-1 Global уюмунун мурдагы чемпиону Максим Дивничти утуп алган.
Бусурманкул Абдубаит уулу тууралуу кененирээк маалыматты Sputnik Кыргызстан маалымат агенттиги даярдаган маектен окуңуздар.