Бизде мейманканалар каалаган жылдызын өздөрү коюп алат. Бул тууралуу Асхат Кубанычбек уулу Sputnik Кыргызстан радиосуна маек берип жатып билдирди.
Анын айтымында, мейманканалардын статусун аныктоочу мамлекет тарабынан эч кандай тиешелүү орган жок.
"Тарыхты алып карасак мейманканалар бири-биринен айырмалануу үчүн жылдыздарды коюшса, кийинчерээк ал анын тейлөө деңгээлинен кабар берип калган. Чет мамлекеттерде беш жылдыздуу отель болуу үчүн 700 талапка жооп берүүсү зарыл. Ал эми бизде мейманканалар эч кандай деңгээлге карабай эле, өздөрү каалаган жылдызын коюп алып, иштеп келет. Учурда бул багытта мыйзам долбоору сунушталып жатыптыр. Ал ишке кирсе, тейлөөсүнө жараша мамлекет тарабынан сапаты аныкталып калат", — деди Кубанычбек уулу.
Ал Бишкек шаарындагы мейманканалар үч, төрт жылдыздуу отелдердин талабына жооп берерин кошумчалады.