02:27 04 Баш оона 2020
Түз эфир
  • USD76.8433
  • EUR90.4984
  • RUB1.0362
Россия
Кыскача шилтеме алуу
Дүйнөгө жайылган коронавирус (941)
77910

Жаңы дарыны кош бойлуулар, бала эмизгендер, боору, бөйрөгү катуу ооругандар колдоно албай турганы айтылды.

БИШКЕК, 9-июл. — Sputnik. Россияда COVID-19ду айыктыра турган дагы бир "Коронавир" деп аталган дарыны Саламаттык сактоо министрлиги жактырды. Бул туурасында РИА Новости жазды. 

Аны "Р-Фарм" компаниясы иштеп чыккан. Ошентип "Коронавир" COVID-19га каршы россиялык адистер иштеп чыккан үчүнчү препарат болуп калды. Буга чейин "Авифавир" жана "Арепливир" пайда болгон.

Эмне дары жана кантип колдонулат?

"Коронавирдин" стационар шартында гана пайдаланыларын айтышты. Ал кош бойлууларга же боюна бүтүрүүнү пландап жаткандарга, бала эмизгендерге, боору, бөйрөгү катуу ооругандарга болбойт. Мындан сырткары, жашы жете электерге да колдонбош керектиги айтылган.

Россия COVID-19га каршы вакцинаны кантип сынап жатат. Ыктыярчылар тартылган видео

Препаратты өзгөчө кырдаал жаралышы мүмкүн деген учурда же өзгөчө кырдаалды жоюу шарттарында колдонуу керек деген процедура менен катташкан. Башкача айтканда, нускамасы чектелген клиникалык маалыматтардын негизинде түзүлгөн. Жаңы маалымат түшкөнүнө жараша кеңейтип отурушат.

"Коронавирди" чыгарган компания Түз инвестициялар боюнча россиялык фонд менен биргеликте коронавирус менен күрөшүү боюнча атайын ишкана түзүп жатат. Алар COVID-19га кабылып илдети күчөп кеткендер үчүн дарыларды жана вакцина иштеп чыгуу менен алектенмекчи.

Россияда коронавирус менен ооруп калгандарды дарылоо боюнча иш бир топ алдыга жылган. Учурда Түз инвестициялар боюнча россиялык фонд Саламаттык сактоо министрлигинен "Авифавир" дарысын аталган илдет менен үйдө жатып күрөшкөндөрдүн колдонуусу үчүн уруксат берүүнү сурады.

Аталган фонддун жетекчиси Кирилл Дмитриев "Авифавирдин" коронавирус менен күрөшү майнаптуу болуп жатканын белгилеген.

Россия COVID-19га каршы дары жана тесттерди дүйнөлүк рынокко алып чыгууга даяр

Россиянын коронавируска каршы чыгарган препараттарына Дүйнөлүк саламаттык сактоо уюму (ДССУ) да байкоо салып, сунуштарын айткан. Жакында эле ДССУнун башкы илимий кызматкери Сумия Сваминатан  "Авиафир" туурасында да сөз кылган.

"Биз "Авиафир" боюнча изилдөө, сыноо жүргүзүлүп жаткандыгын билебиз. Эки же үч дарыны тесттен өткөрүшүүдө, жыйынтыгын күтүп жатабыз", — деген ал.

Илимий кызматкер, мындан сырткары, россиялык вакцинага да кызыгуу бар экендигин айткан.

Тема:
Дүйнөгө жайылган коронавирус (941)

Тема боюнча

Вакцинаны акысыз жасоого чакырык салабыз! Нобель сыйлыгын алгандар үн катты
Россия COVID-19га каршы дары жана тесттерди дүйнөлүк рынокко алып чыгууга даяр
Дүйнөлүк уюм Россиянын COVID-19га каршы чыгарган вакцинасына кызыгып жатат
Белгилер:
дары, коронавирус, Россия

ЭҢ МААНИЛҮҮ